Agora que se achegan as festas de Nadal, é un bo momento para que aproveitedes todos os descontos que tedes por Pontevedra adiante por ser socios da ANPA. Para poder disfrutalos, só tedes que amosar o voso carné de socios e aplicarásevos o desconto correspondente.
A continuación tedes unha lista dos establecementos:
– A Balea das Cores: un 5%
– Carlin: un 5%
– Clínica Dental Marta Moreno: 5% de desconto en revisións, limpezas e reconstrucións
– Décimas: 10% en artigos non rebaixados e 5% en artigos rebaixados
– Interculturas: 5% na cuota mensual
– Kids and Home: *ofertas non acumulables a outras ofertas Téxtil: 5% en compras superiores a 20 €
10% en compras superiores a 100€ Mobles e colchóns: 10% en compras superiores a 1500€
– Clip: 5% en librería e 10% en material escolar
– Kids&Us: 10% en campamentos temáticos para non alumnos
– Kumon: matrícula gratis
– Nobel: 5% en libros (excepto libros de texto) e 10% en papelería
– Picking Pack: 10% en papelería (menos artigos en oferta)
– Qsmphoto: 10% en sesións fotográficas (inclúe campañas especiais como Nadal)
– Neumáticos Valicar: a consultar
Xa vedes que hai para todos os gustos, así que esperamos que lle saquedes moito proveito.
Lembrarvos tamén que tedes dispoñible a lotería de Nadal do ANPA co número 88259 e está a piques de terminarse. Non quededes sen a vosa porque… e se toca? 🎄🍀
O venres 27 de outubro, entre as 17.00 e as 20.00 horas, celebraremos o noso particular SAMAGOSTO 2023 na Casa Verde de Salcedo!! Convidamos a toda a comunidade educativa do CEIP de Cabanas (nenos e nenas, nais, pais, titores e profesorado) a pasar unha tarde terroríficamente divertida!!
Como fixéramos na festa de fin de curso, pedimos a colaboración de nais e pais para que, quen queira e poida, se achegue con algo para compartir entre todxs: biscoito, empanada, tortilla, embutidos… TAMÉN VOS PEDIMOS QUE, OS QUE POIDADES, TRAIADES ALGUNHAS CASTAÑAS PARA ASAR, POSTO QUE CONTAREMOS CON ASADOR DE CASTAÑAS ALÍ MESMO. A ANPA encargarase dos aperitivos, augas e zumes.
E non esquezades vir disfrazados. Monstros, bruxas, demos e diaños, cabaciñas e outros seres, AGARDÁMOSVOS!! Entre todxs xs asistentes que veñan disfrazados, sortearemos agasallos.
Haberá música, xogos, obradoiros de samaín, pintacaras, e algunha que outra sorpresa!!
A continuación vos deixamos as actividades extraescolares ofertadas para este curso e o formulario de inscripción -incluimos o Playing English coordinado pola FANPA-. O PRAZO PARA INSCRIBIRSE EN CALQUERA DELAS REMATA O VINDEIRO 27 DE SETEMBRO (excepto Natación, que remata o 17). Facilitamos un enlace ao formulario dixital.
*Se alguén precisa ou prefire o formulario impreso, pode poñerse en contacto con nos no teléfono da ANPA ou por mail e farémosllo chegar, Para formalizar a inscripción, debedes enviar o formulario (incluido a orde de domiciliacion SEPA) completamente cubertos por algún dos distintos medios dispoñibles:
Whatsapp ou telegram -669 712 807-
Email: anpa.volvoreta@nontedurmas.org
Buzón da ANPA na entrada do colexio
Mochila do alumn@
INCLUIMOS TAMÉN AS ACTIVIDADES DE NATACION (Beone Campolongo) E DE PATINAXE ARTÍSTICO (CPA Soutomaior). Nestes casos, a inscrición faise contactando directamente coa ANPA, por eso non atoparedes o formulario. Os que xa vos apuntastes estes días a través de whatsapp, non é necesario que fagades nada de momento.
Desde a ANPA BOLBORETA DO CEIP CABANAS SALCEDO queremos convidarvos a ser partícipes deste proxecto que poñemos en marcha co comezo dun novo curso escolar. Todas as nais, pais e titores somos parte fundamental da comunidade educativa á que pertencen as nosas crianzas, entre outras cousas, como mediadores na procura dunha comunicación positiva entre familias e colexio.
CONTACTO ANPA:
A ANPA Bolboreta, con CIF G36138147 e inscrita no Rexistro de Asociacións Central da provincia de PONTEVEDRA, con núm. de inscrición: 1988/1632 é unha asociación sen ánimo de lucro.
Como moitos de vos xa sabedes, este ano quedou constituída unha nova xunta directiva, a cal detallamos a continuación:
PRESIDENTE: JOSÉ RAMÓN GONZÁLEZ VARELA
VICEPRESIDENTA: JÉSSICA FERNÁNDEZ GONZÁLEZ
SECRETARIA: LUCÍA TOJO OTERO
TESOUREIRO: DAVID COUSO DOMINGUEZ
Vogal 1 : ALEJANDRO SIEYRO BALDOR
Vogal 2: LAURA GAGO CAAMAÑO
Vogal 3: GERARDO ESTÉVEZ BERNÁRDEZ
Para calquera suxerencia, dúbida ou consulta, podedes poñervos en contacto coa directiva a través das seguintes vías:
Buzón da ANPA ubicada na entrada do colexio, entre as portas de aceso ao comedor e ao centro.
Na derradeira Asamblea Ordinaria, celebrada o pasado mes de maio, acordouse por maioría establecer a cuota anual en 35 € por unidade familiar. Con este importe, poderemos facer fronte aos gastos derivados do correcto funcionamento da ANPA, tales como o seguro de accidentes, o de responsabilidade civil, os gastos derivados das excursións que organiza o centro para o alumnado –subvencionadas para as familias asociadas-, os agasallos de Nadal para as distintas aulas, as celebracións temáticas, etc. No apartado de ingresos, a maiores das cuotas dos soci@s, temos previsto poñer á venda lotería de Nadal con algún tipo de recargo.
Asi mesmo, convidamos e animamos aos pais e nais do alumnado de 6º EP a participar na organización dalgunha das festas temáticas para que, se así o desexan, poidan recadar fondos para a excursión de fin de curso a través da venda de rifas ou outro tipo de iniciativas. Estamos abertos a colaborar con este fin en todo o que esté da nosa man.
Aqui tedes un enlace directo ao formulario de inscripción, que tamén poderedes solicitar en formato físico no propio centro. É importante que, antes de cubrir o formulario por completo, fagades o ingreso en conta ou transferencia no IBAN indicado no mesmo formulario.
Recordarvos igualmente que, como asociados, tendes aceso en calquera momento aos estatutos da ANPA e a coñecer o estado de contas da mesma
Actividades previstas para o curso escolar:
Coa intención de colaborar co centro en todo o que esté da nosa man, e de fomentar valores como a Igualdade e a convivencia entre nais, pais, titores, profesorado e crianzas, o respeto pola natureza, o coñecemento das nosas tradicións, etc, a intención da ANPA é levar a cabo actividades e iniciativas que nos sirvan para acadar este obxetivo. Por elo precisamos da vosa colaboración, tanto formando parte da ANPA como soci@s como aportando ideas e participando das asambleas e as actividades que levemos a cabo ao longo do ano.
Algunhas das actividades que temos previsto levar a cabo son:
FESTA DE SAMAÍN (finais de outubro)
MAGOSTO (mediados de novembro) –en colaboración coa ANPA San Martiño
FESTA DE NADAL (finais de decembro) –en colaboración coa ANPA San Martiño
LOTERÍA DE NADAL
CONCURSO DE POSTAIS DE NADAL
VISITA DO APALPADOR / PAPA NOEL CON AGASALLOS PARA AS DISTINTAS AULAS
ENTROIDO 2024 –en colaboración coa ANPA San Martiño
FEIRA DO LIBRO (finais de abril)
FESTA DE FIN DE CURSO (derradeiro día de curso)
A maiores destas actividades, estamos pendentes da concesión dunha subvención –todavía en trámite- coa que afrontaremos a temática da Igualdade e a loita contra a violencia de xénero a través de conferencias e charlas para o alumnado e tamén para as nais, pais, e profesorado.
Nos vindeiros días tamén vos informaremos das extraescolares dispoñibles para este curso, pero xa vos podemos adiantar que seguirán a dinámica dos últimos anos. Serán actividades que se levarán a cabo no centro e no pavillón.
Por suposto, estamos abert@s a calquera tipo de comentario, suxerencia e proposta, e seguimos valorando a posibilidade de levar a cabo outras charlas, contacontos, etc para os nosos nenos e nenas, e tamén para pais e nais.
Xa vos podedes facer soci@s da ANPA e ser parte activa da comunidade educativa das vosas crianzas. A continuación facilitamos un enlace ao formulario, onde tedes toda a info necesaria.
O vindeiro venres, 2 de outubro de 2020, vos invitamos a todas as familias do CEIP CABANAS (SALCEDO), a unha reunión asamblearia ás 20:00 h en primeira convocatoria e ás 20:30 h en segunda convocatoria coa seguinte orde do día:
Lectura e aprobación, se procede, da acta anterior de data 27/09/2019.
Estado de contas
Situación actual da ANPA ante o COVID19.
Plan madruga e comedor
Proposta de calendario para a elección da nova Xunta Directiva da ANPA.
Proposta de doazón dos uniformes non vendidos.
Proxecto horto escolar.
Rogos e preguntas.
NOTA: Por motivos de seguridade, a asemblea realizarase no patio cuberto e NON ofertaremos o servicio de ludoteca. Rogamos que asista unha persoa por familia con máscara
Unha vez producida a validación por parte da Xunta do protocolo para os servizos de madruga e comedor redactado por FANPA, anunciamos que os servizos comezarán o vindeiro luns día 5 de outubro nos centros públicos dos concellos de Pontevedra e Marín que os teñen xestionados por FANPA.
Agradecemos ás familias a paciencia mostrada fronte a incógnita do inicio destes servizos tan necesarios para a conciliación.
Nestes días ata o inicio do servizo, FANPA e ARUME levarán a cabo as tarefas necesarias para implementar o protocolo nos madruga e comedores xestionados, coordinando as medidas recollidas nel coas direccións dos centros onde se prestan os servicios.
Benvidos ao novo curso escolar 2020-2021. Despois dun longo período no que nos vimos obrigados a suspender todas as actividades, volvemos este curso con moita incerteza e cautela. Despois de ler o protocolo COVID19 presentado pola xunta, decidimos que este curso a ANPA non ofertará ningunha extraescolar por seguridade.
Por ese mesmo motivo, decidimos reducir a cota de socio a 5 euros. O que recademos das cotas será para calquera necesidade que xurda durante o curso e poder levar a cabo o protocolo, comprando xeles hidroalcóholicos e material desinfectante. Tamén comentarvos que si nalgún momento o centro decide realizar algunha saída ou excursión cumprindo coa normativa establecida, a ANPA subvencionará ditas excursións aos seus socios, como veu facendo ata agora.
Vos animamos a que vos fagades socios. Sabemos que é un ano moi complicado pero entre todos faremos que funcione.
COMO FACERSE SOCIO
1º REALIZAR O PAGO da cota de 5 € por familia, independentemente do número de fillos da seguinte maneira:
-Transferencia á conta bancaria da ANPA no SANTANDER CENTRAL HISPANO (poñendo en Concepto: Cota ANPA curso 20-21 de “Nome e apelidos do pai/nai/titor legal”) ES89 0049 6781 1021 1606 8771
-Ingreso na conta da ANPA (podese facer tamén a través do caixeiro automático).
2ª.COMPLETAR A FICHA
-A través de internet, accedendo ao formulario de google drive cubrides a ficha de inscrición: Inscripción CURSO 2020- 2021
RECORDA: Pedímosvos que enchades todos os campos por favor
Big Van Ciencia, é un grupo de persoas dedicadas á ciencia e a investigación co obxectivo de transformar a comunicación científica en actividades atractivas para todo tipo de públicos. A través das artes realizan educación, divulgación e comunicación da ciencia.
O vindeiro 17 de marzo vannos a visitar na Casa verde de Salcedo co seu espectáculo de Clowntifics. Trátase dun espectáculo dirixido a xente a partir de 4 anos. A través da experimentación e o xogo aprenderemos conceptos científicos que, o mesmo un día permítenche lanzar un foguete. Á vez é un espectáculo de clown e unha actividade educativa de comunicación da ciencia. Nos 60 minutos que dura, nenos e nenas convértense en auténticos investigadores, soben ao escenario e realizan experimentos destrullinantes, á vez que aprenden contido científico.
O espectáculo e de balde, así que vos animamos a que veñades gozar da ciencia. Vos esperamos o martes 17 de marzo as 17:00 horas na casa Verde de Salcedo.
Retomamos a escola de pais/nais e esta vez organizamos unha CHARLA SOBRE OPTOMETRÍA COMPORTAMENTAL o martes 4 de febreiro, de 17:30 h a 19:30 h, no comedor do centro, impartido por Dna. Antía Branco, optometrista e terapeuta visual desde hai máis de 9 anos (graduada en Óptica e Optometría pola Universidade de Santiago de Compostela e especializada en Optometría Comportamental e Terapia Visual).
A través da avaliación da calidade da entrada sensorial e do procesamiento da información visual a nivel cerebral, a optometría comportamental comprende como a persoa utiliza o seu sistema visual e relaciónase co mundo. Cando existe un mal funcionamento visual e as probas oftalmolóxicas mostran unha estrutura sa, o optometrista pode detectar a orixe visual de diversos síntomas e elaborar un plan de traballo co obxectivo de mellorar o rendemento visual e adecuar o sistema ás necesidades da persoa.
Na charla trataranse os seguintes temas:
1. Comprender que ver 100% NON é ter unha boa visión.
2. Os distintos problemas visuais e a súa influencia en: atención, lectura, concentración,
comprensión matemática, destreza deportiva.
3. Síntomas observables nun neno con problemas visuais.
4. Xogos en casa para estimular o correcto desenvolvemento visual na infancia.
Contaremos con servizo de ludoteca; lembrade que hai que avisar cunha antelación de polo menos 24 horas. WhatsApp (669712807) / correo da anpa: anpa.volvoreta@nontedurmas.org
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.
Estimadas familias: