O ano 2025 verá unha nova edición, xa a XI do Certame de Relato Curto da FANPA. Nunhas semanas comezarán a chegar aos centros educativos os exemplares da pasada edición 2024 e a convocatoria para participar na nova edición.
Como sempre aparecen as présas e atrancos, este ano decidimos adiantarnos un pouco no calendario habitual para dar máis ocasión aos nosos creadores novos a que presenten o seu mellor relato.
A comisión promotora da FANPA decidiu así que
- O prazo para recollida dos relatos da XI edición do CRC será a partir do 8 de xaneiro de 2025
- O día 31 de marzo rematará o prazo de envío dos orixinais
- Finais de abril, deliberacións e decisión do xurado
- O 29 de maio terá lugar a entrega dos premios na gala que este ano celebraremos no Teatro Principal de Pontevedra
- Na primeira semana de xuño, os gañadores acudirán ao obradoiro de creación literaria co que os agasalla a AELG